ಲೇಖಕರ ಸಮಗ್ರವಾದ ಅಧ್ಯಯನ ಅನುಭವ ಹಾಗೂ ಚಿಂತನೆಗಳ ಫಲವಾದ ಈ ಕೃತಿಯು ಬದುಕಿಗೆ ಹೊಸತೊಂದು ಅರ್ಥವನ್ನು ಕೊಡಬಲ್ಲ ಪರಿಪೂರ್ಣತೆಯನ್ನು ಹೊಂದಿರುವುದರಿಂದ ಓದುಗನನ್ನು ಮತ್ತೆ ಮತ್ತೆ ಓದುವಂತೆ ಮಾಡುವ ಸಾಮರ್ಥ್ಯ ಇದಕ್ಕಿದೆ. ಇಲ್ಲಿನ ವಿಚಾರಗಳು ನಮ್ಮನ್ನು ಒಂದು ಸಿದ್ಧಾಂತದಿಂದ ಎಳೆದುತಂದು ಇನ್ನೊಂದು ಸಿದ್ಧಾಂತಕ್ಕೆ ಬಿಗಿಯುವ ಪ್ರಯತ್ನವನ್ನು ಮಾಡುವುದಿಲ್ಲ. ಬದಲಿಗೆ ಈ ಕೃತಿಯು ಸಿದ್ಧಾಂತಗಳೆಲ್ಲವುಗಳೊಂದಿಗೆ ಸಮನ್ವಯವನ್ನು ಕಾಯುತ್ತದೆ. ಏಕೆಂದರೆ ಇಲ್ಲಿ ತೆರೆದುಕೊಳ್ಳುವುದು ವೇದ ವಿಜ್ಞಾನವೆಂಬ ಬೆಳಕಿನ ಕಿಂಡಿ.