ಇದೊಂದು ವೈಜ್ಞಾನಿಕ ಕಾಲ್ಪನಿಕ ಕಿರು ಕಾದಂಬರಿ. ನಚಿಕೇತ ಎಂಬ ಪುಟ್ಟ ಹುಡುಗ ಆಕಸ್ಮಿಕವಾಗಿ ‘ರೇನಾ‘ ಎಂಬ ನಕ್ಷತ್ರ ಲೋಕ ತಲುಪಿ ಅಲ್ಲಿನ ಲೋಹ ಮಾನವರು, ಅವರ ಅರ್ಥವಾಗದ ಭಾಷೆ, ವಿಚಿತ್ರ ವೇಷ-ಭೂಷಣ ಕಂಡು ಬೆರಗುಗೊಳ್ಳುತ್ತಾನೆ. ಒಬ್ಬ ತಿಂದರೆ ಉಳಿದವರಿಗೆ ಹಸಿವಾಗದಿರುವುದು, ದಿನವೊಂದಕ್ಕೆ ವಯಸ್ಸು ಎರಡು ವರ್ಷದಂತೆ ಹೆಚ್ಚಾಗುತ್ತಾ ಹೋಗುವುದು, ಅಲ್ಲಿನ ಜನ ೬೦೦ ವರ್ಷಗಳಷ್ಟು ಕಾಲ ಬದುಕುವುದು ಎಲ್ಲ ಮಜಾ ಅನ್ನಿಸುತ್ತದೆ. ಓದುತ್ತಾ ಓದುತ್ತಾ ನೀವೂ ನಕ್ಷತ್ರ ಲೋಕಕ್ಕೆ ಹೋಗಿಬಿಡುತ್ತೀರಿ. ಆದರೆ ಹುಷಾರ್ ! ನಚಿಕೇತನೊಟ್ಟಿಗೆ ಹಿಂದಿರುಗುವುದನ್ನು ಮರೆಯಬೇಡಿ.