ಈ ದೇಶದ ಬಹು ದೊಡ್ಡ ಜನಸಮುದಾಯಕ್ಕೆ ಕಾನೂನಿನ ಅರಿವಿಲ್ಲದ ಕಾರಣ ತಮಗೆ ನೀಡಿರುವ ಹಕ್ಕುಗಳ ಮತ್ತು ತಮಗಾಗಿ ರೂಪಿಸಿರುವ ಯೋಜನೆಗಳ ಲಾಭ ಪಡೆಯಲು ಸಾಧ್ಯವಾಗುತ್ತಿಲ್ಲ. ತಮ್ಮ ಹಕ್ಕುಗಳನ್ನು ಮತೊಬ್ಬರು ಕಸಿದುಕೊಂಡಾಗ ರಕ್ಷಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಮೋಸ ಮತ್ತು ಶೋಷಣೆಗೆ ಸಿಕ್ಕಿ ನರಳುತ್ತಿದ್ದಾರೆ. ಕಾನೂನಿನ ಜ್ಞಾನ ಹೆಚ್ಚಿಸಿಕೊಂಡು ಎಲ್ಲಾ ಶೋಷಣೆಗಳಿಂದ ಮುಕ್ತರಾಗಿ ತಮ್ಮ ಹಕ್ಕುಗಳನ್ನು ಊರ್ಜಿತಗೊಳಿಸಿಕೊಳ್ಳಬಹುದೆಂಬ ಅರಿವಿಲ್ಲದೆ ನಮ್ಮ ಜನ ನಿಸ್ಸಹಾಯರಾಗಿದ್ದಾರೆ. ಜನತೆಯಲ್ಲಿ ಕಾನೂನಿನ ಅರಿವು ಹೆಚ್ಚಿಸುವ ಒಂದು ಸಣ್ಣ ಪ್ರಯತ್ನವನ್ನು “ಚೌಕಟ್ಟು - Legally Yours” ಈ ಕೃತಿಯಲ್ಲಿ ಮಾಡಲಾಗಿದೆ.