ಯೋಗ ಎಂದರೆ ಕೆಲವರಿಗೆ ಮಾರಾಟದ ಸರಕು. ಇನ್ನು ಕೆಲವರಿಗೆ ಅದು ದೇವರನ್ನು ಕಾಣುವ ಮಾರ್ಗ ಅಥವಾ ಮೋಕ್ಷವನ್ನು ಪಡೆಯಲು ಸಾಧನ. ಧ್ಯಾನ ಮಾಡಿದರೆ ದೇವರು ಪ್ರತ್ಯಕ್ಷನಾಗುತ್ತಾನೆಂದು ನಮ್ಮ ಅನೇಕ ಪುರಾಣ ಕತೆಗಳು ಹೇಳುತ್ತವೆ. ಇಂದಿನ ದಿನಗಳಲ್ಲೂ ಹಾಗೆ ಪ್ರತ್ಯಕ್ಷ ಮಾಡಿಕೊಂಡಿರುವುದಾಗಿ ಹೇಳುವ ಠಕ್ಕರಿಗೇನೂ ಕೊರತೆಯಿಲ್ಲ. ದೇವರಿಲ್ಲದಿದ್ದರೆ ಮತ್ತು ಅವನಿಂದ ಏನನ್ನೂ ಬೇಡುವ ಪ್ರಮೇಯವಿಲ್ಲದಿದ್ದರೆ ಧ್ಯಾನ ಮಾಡಲಾಗುವುದಿಲ್ಲವೆ ಅಥವಾ ಮಾಡಬಾರದೆ? ಈ ಪ್ರಶ್ನೆಗೆ ಭಾಗಶಃ ಉತ್ತರವನ್ನು ಲೇಖಕರು ಈ ಪುಸ್ತಕದಲ್ಲಿ ನೀಡಲು ಯತ್ನಿಸಿದ್ದಾರೆ.