ಕಡಿದಾದ ಹಾದಿಯನ್ನು ಸಿ.ಎನ್. ರಾಮಚಂದ್ರನ್ ಈ ತಮ್ಮ ‘ವಸಾಹತೋತ್ತರ ಚಿಂತೆನೆ’ ಎಂಬ ಪುಸ್ತಕದಲ್ಲಿ ಯಶಸ್ವಿಯಾಗಿ ಕ್ರಮಿಸಿದ್ದಾರೆ. ಆಧುನಿಕೋತ್ತರ ಚಿಂತನೆ, ರಾಚನಿಕೋತ್ತರ ಚಿಂತನೆ, ವಸಾಹತೋತ್ತರ ಚಿಂತನೆ, ಈ ‘ಉತ್ತರ’ ಚಿಂತನೆಗಳನ್ನು ವಿಸ್ತಾರವಾಗಿ ಅಧ್ಯಯನ ಮಾಡಿ, ಸರಿಯಾದ ರೀತಿಯಲ್ಲಿ ಗ್ರಹಿಸಿ, ಕನ್ನಡದಲ್ಲಿ ಅವುಗಳನ್ನು ತುಂಬಾ ಸೊಗಸಾಗಿ ವಿವರಿಸಿದ್ದಾರೆ. ಹೊಸ ಚಿಂತನೆಗಳ ಜಗತ್ತಿಗೆ ರಾಮಚಂದ್ರನ್ ನಮ್ಮನ್ನು ಈ ಪುಸ್ತಕದಲ್ಲಿ ಆಪ್ತ ಗೆಳೆಯನಂತೆ ಪ್ರೀತಿಯಿಂದ ಕೈ ಹಿಡಿದು ಕರೆದುಕೊಂಡು ಹೋಗುತ್ತಾರೆ; ಈ ಪರಿಕಲ್ಪನೆಗಳನ್ನು ಕನ್ನಡ ಮನಸ್ಸಿಗೆ ಹತ್ತಿರವಾಗುವಂತೆ ವಿವರಿಸುವುದರ ಮೂಲಕ ರಾಮಚಂದ್ರನ್ ನಮ್ಮ ಮೆಚ್ಚುಗೆಗೆ ಪಾತ್ರರಾಗುತ್ತಾರೆ; ಕೃತಜ್ಞತೆಯ ಭಾವ ಸಹಜವಾಗಿಯೇ ನಮ್ಮಲ್ಲಿ ಮೂಡುತ್ತದೆ.