ಶ್ರೀ ವಿ.ಎಸ್.ಎಸ್. ಶಾಸ್ತ್ರಿ ಬಹುಮುಖ ಚಟುವಟಿಕೆ ಹಮ್ಮಿಕೊಂಡಿರುವ ಸದಾ ಕ್ರಿಯಾಶೀಲ ವ್ಯಕ್ತಿ. ಗಣಿತ ಸಂವಹನಕಾರರು, ಓರಿಗಾಮಿ ಕುಶಲಿ. ಬ್ಯಾಂಕ್‌ನಲ್ಲಿ ಉದ್ಯೋಗಿ. ಸಾಹಿತ್ಯರಚನೆ-ಅನುವಾದಗಳನ್ನು ಮಾಡುವುದರಲ್ಲಿ ಆಸಕ್ತಿ. ಅರವಿಂದ ಗುಪ್ತ ಬರೆದ ಪ್ರಯೋಗ, ಚಟುವಟಿಕೆಗಳ ನಾಲ್ಕು ಪುಸ್ತಕಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಅವರ ಇತ್ತೀಚಿನ ಕೃತಿ ‘ನೀವೇ ಮಾಡಿ : ಪ್ಲೇಟೋನ ಘನಾಕಾರಗಳು’ ಗಣಿತ ಸಂವತ್ಸರ ಮಾಲಿಕೆಯಲ್ಲಿ ಬಂದಿದೆ. ಇವೆಲ್ಲ ನವಕರ್ನಾಟಕದಿಂದ ಪ್ರಕಟಗೊಂಡಿವೆ. ಸುಮಾರು ಎಂಟುನೂರಕ್ಕೂ ಮಿಗಿಲಾಗಿ ಓರಿಗಾಮಿ ಬಗ್ಗೆ ಕಾರ್ಯಾಗಾರಗಳನ್ನು ದೇಶಾದ್ಯಾಂತ ನಡೆಸಿದ್ದಾರೆ. ಕರ್ನಾಟಕ ಸರ್ಕಾರ ನೀಡುವ ವಿಷನ್ ಅವಾರ್ಡ್ ಇವರಿಗೆ ಬಂದಿದೆ.