ಇತ್ತೀಚಿನ ದಿನಗಳಲ್ಲಿ ಪಾಶ್ಚಾತ್ಯ ದೇಶಗಳಲ್ಲಿ ಭಾಷೆ, ಧರ್ಮ, ತತ್ವಜ್ಞಾನ, ಚರಿತ್ರೆಯ ವಿಭಾಗಗಳಲ್ಲಿ ಪ್ರಾಚೀನ ಕನ್ನಡ ಭಾಷೆ, ಸಾಹಿತ್ಯದ ಅಧ್ಯಯನಗಳ ಕುರಿತಂತೆ ಆಸಕ್ತಿ, ಕುತೂಹಲಗಳು ಹೆಚ್ಚಿವೆ. ಜೊತೆಗೆ ನಮ್ಮಲ್ಲಿಯೂ ಹೊಸ ತಲೆಮಾರಿನ ಜನ ಈ ಕಡೆ ಆಕರ್ಷಿತರಾಗುತ್ತಿದ್ದಾರೆ. ಆದರೆ ಹಲವು ಸಾಹಿತ್ಯ ಕೃತಿಗಳನ್ನು ಚೆನ್ನಾಗಿ ಓದಿ, ಅರ್ಥಮಾಡಿಕೊಳ್ಳಲು ಹಳಗನ್ನಡ ವ್ಯಾಕರಣದ ಓದು ಮತ್ತು ಅಧ್ಯಯನಗಳು ಅತ್ಯವಶ್ಯ. ಹೀಗಾಗಿ ಈ ಕೃತಿ ಹೆಚ್ಚು ವಿವರ ವಿಶದವಾದ ನಿರೂಪಣೆಯಿಂದ ಕೂಡಿದ್ದಾಗಿ ಅಭ್ಯಾಸಕ್ಕೆ ಹೆಚ್ಚು ಅನುಕೂಲಮಾಡೆಕೊಡಬಹುದೆಂಬ ನಿರೀಕ್ಷೆಯನ್ನಿಟ್ಟುಕೊಂಡಿದೆ. ಇಲ್ಲಿ ಕೂಡ ತೀರ ವಿರಳವೂ ಅಪವಾದ ರೀತಿಯದೂ ಆದ, ಸೂಕ್ಷ್ಮವೂ ಜಟಿಲವೂ ಆದ ಸಂಗತಿಗಳ ಕಡೆಗೆ ವಿಶೇಷವಾಗಿ ಗಮನ ಕೊಟ್ಟಿಲ್ಲ. ಅವನ್ನು ಬೇರೆ ಮೂಲಗಳ ವಿಮರ್ಶೆಗಳಿಂದ ತಿಳಿಯಬಹುದಾಗಿದೆ.