೧೯೬೯ನೇ ಸಾಲಿನ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿಯಿಂದ ಪುರಸ್ಕೃತರಾಗಿರುವ ಡಾ|| ಎಚ್. ತಿಪ್ಪೇರುದ್ರಸ್ವಾಮಿಗಳು ಸೃಜನಶೀಲ ಮತ್ತು ಸೃಜನೇತರ ಕ್ಷೇತ್ರಗಳೆರಡರಲ್ಲಿಯೂ ವಿಜೃಂಭಿಸಿದ ವಿಶಿಷ್ಟ ಪ್ರಾಧ್ಯಾಪಕರು; ಕನ್ನಡವನ್ನು ಉಳಿಸಿ ಬೆಳೆಸಿದ ಮಹನೀಯರು; ಸಂತ ಸಾಹಿತ್ಯಕ್ಷೇತ್ರದ ಜೀವನ ಚರಿತ್ರಾತ್ಮಕವಾದ ಕಾದಂಬರಿಗಳಿಂದ ಒಂದು ಹೊಸ ಆಯಾಮವನ್ನೇ ಮೂಡಿಸಿದವರು; ನಿಜಜೀವನದಲ್ಲಿ ಗಾಂಧೀವಾದಿಗಳಾಗಿದ್ದ ಅವರು ಆಡಳಿತಗಾರರಾಗಿಯೂ ತತ್ತ್ವನಿಷ್ಠೆ ಕಾರ್ಯದಕ್ಷತೆಗಳನ್ನು ಮೆರೆದವರು. ತಮ್ಮ ವಿಶಿಷ್ಟ ಸಾಧನೆಗಳಿಂದ, ನಿಜವಾದ ಅರ್ಥದಲ್ಲಿ ಅವರು ‘ಕೀರ್ತಿಶೇಷ‘ರೇ ಆಗಿದ್ದಾರೆ.