ಸರ್ಕಾರಿ ಶಾಲೆಗಳಲ್ಲಿ ಮಕ್ಕಳಿಗೆ ಬಿಸಿಯೂಟ ಕೊಡುವುದು ಭಾರತದಲ್ಲಿ ಜಾರಿಯಾಗು ದಶಕವೇ ಕಳೆದಿದೆ. ಈ ಪದ್ಧತಿ ಜಾರಿಗೆ ಬಂದದ್ದು ಹೇಗೆ ಸರ್ಕಾರಗಳಿಗೆ ಈ ಪದ್ದತಿಯ ಬಗ್ಗೆ ಆಲೋಚನೆ ಹುಟ್ಟಿದ್ದು ಹೇಗೆ ಎಂಬುದನ್ನು ಕೆಣಕುತ್ತಾ ಹೋದಂತೆ ಬಿಸಿಯೂಟ ಪರಿಕಲ್ಪನೆಯ ಹರಿಕಾರಳು ಎಗ್ಲಾಂಟೈನ್‌ ಜೆಬ್‌ ಎಂಬುದು ತಿಳಿದುಬರುತ್ತದೆ. 52 ವರ್ಷಗಳ ತನ್ನ ಜೀವಿತಾವಧಿಯಲ್ಲಿ ಇಡೀ ಜಗತ್ತಿಗೆ ಮಕ್ಕಳ ಹಕ್ಕುಗಳ ಕುರಿತು ಜಾಗೃತಿ ಮೂಡಿಸಿದ ಮತ್ತು ಆ ನಿಟ್ಟಿನಲ್ಲಿ ಜಗತ್ತು ಸಾಂಸ್ಥಿಕ ಕಾರ್ಯಕ್ರಮಗಳನ್ನು ರೂಪಿಸುವಂತೆ ಪ್ರೇರೇಪಿಸಿದ ಜೆಬ್‌ ಅವರ ಬಗ್ಗೆ ಈ ಕೃತಿಯಲ್ಲಿ ತಿಳಿಯಬಹುದು. ``ಆಕೆ ಮಕ್ಕಳನ್ನು ರಕ್ಷಿಸಿದಳು`` ಎಗ್ಲಾಂಟೈನ್‌ ಜೆಬ್‌ ಕಥನ` ಜೆಬ್‌ ಅವರ ಬದುಕಿನ ಕುರಿತು ಸಂಪೂರ್ಣ ಮಾಹಿತಿ ನೀಡುವುದರೊಂದಿಗೆ, ಮಕ್ಕಳ ಹಕ್ಕುಗಳ ಕುರಿತ ಚಿಂತನೆಯ ವಿಕಾಸದ ಕತೆಯನ್ನು ವಿವರಿಸಿದ್ದಾರೆ.